“Quşları müşahidə et” Ekspedisiyası

“Fominov Consulting” şirkətinin tərəfdaşlığı ilə, Forest School Azerbaijan tərəfindən Azərbaycan Ornitoloji Cəmiyyətinin peşəkar mütəxəssisləri ilə birgə “Quşları müşahidə et” ekspedisiyası təşkil olunmuşdur.

Məktəbli uşaqların və onların valideynlərin iştirak etdiyi ekspedisiyada, Şirvan Milli Parkı ərazisində məskunlaşan müxtəlif heyvan və quş növləri haqqında məlumatlar verilmiş və bir çoxu yaxından müşahidə edilmişdir.

Ekspedisiya zamanı, Azərbaycan Ornitoloji Cəmiyyətinin peşəkar mütəxəssisi Elçin Sultanov, quşları müşahidə etmə fəaliyyət növləri, binokl istifadə qaydaları, Milli Park ərazisində məskunlaşan quş növləri barədə ətraflı məlumatları iştirakçılara təqdim etmişdir.

Forest School Azerbaijan, hər il köçəri quşların müşahidəsi ilə bağlı ekspedisiyalar təşkil edir. Ekspedisiyaların əsas məqsədi, gənc nəsildə bu fəaliyyət növünə marağı artırmaq və qoruqlarımızı yaxından tanıtmaqdır.