Forest School Azerbaijan və Azərbaycan Respublikası Elm və Təhsil Nazirliyi tərəfindən elan olunan “Alternativ məktəbəqədər təhsil xidmətlərinin təşkili” pilot proqramı çərçivəsində Lənkəranda 3-5 yaş qrupu üçün baş tutan Forest School qrup görüşləri başa çatıb.
Layihə çərçivəsində 4 ay ərzində iştirakçılar açıq havada Forest School konsepsiyası əsasında hazırlanmış və onların inkişafını müxtəlif istiqamətlərdən (sosial, emosional, intellektual və s.) dəstəkləyən fəaliyyətlərə cəlb olunublar.
Layihənin əsas məqsədi Forest School təhsil proqramı – Alternativ Məktəbəqədər Tədris Modeli Azərbaycanda məktəbəqədər təhsilə məhdud əlçatanlığı təmin etmək, eyni zamanda innovativ açıq havada təhsil mühitləri vasitəsilə erkən yaşlı uşaqların hərtərəfli inkişafına kömək etmək olub.
