Şəkidə “Qış düşərgəsi”

“Forest School Azerbaijan” Şəki şəhərində “Qış düşərgəsi” keçirib.

Düşərgə iştirakçıları Şəkinin tarixi, mədəniyyəti ilə yaxından tanış olmuş, yaradıcılıq, sənətkarlıq ilə bağlı müxtəlif master klasslarda iştirak edərək praktiki bilik və bacarıqlar əldə etmişdir.

Praktiki fəaliyyətlər zamanı iştirakçılar Şəkinin kulinariyası ilə bağlı “Piti”-nin hazırlanması və yeyilməsi qaydaları, Şəkinin qədim sənətkarlıq növü olan şəbəkə düzəldilməsi, Şəki halvasının hazırlanması kimi ustad dərslərinə qatılmışlar.

Bununla yanaşı iştirakçılar Şəki Xan Sarayı, Şəki Sənətkarlar evi, Şəki “ABAD” Keramika və Tətbiqi Sənət Mərkəzində olaraq Forest School təhsil yanaşmasına uyğun müxtəlif fəaliyyətlərdə iştirak ediblər.