Forest School Azerbaijan və Hasvet Baku International Animal Hospitalın birgə təşkilatçılığı ilə 4 oktyabr Beynəlxalq heyvanları müdafiə günü ilə əlaqədar “Onları daha yaxşı anlayaq” master-klass baş tutmuşdur.
Master-klassda ilk növbədə uşaqlar heyvanların və təbiətin insanların həyatındakı əhəmiyyəti haqqında təqdimatla tanış olublar. Daha sonra onlar hospital ərazisini gəzərək buradakı texniki avadanlıqlar və onların xüsusiyyətləri haqqında ətraflı məlumat alıblar. Bununla yanaşı iştirakçılar hospitalda müalicə alan heyvanlarla təmasda olaraq onlara ilk yardım göstərilməsi barədə praktiki bacarıqlar əldə ediblər.
Uşaqlara hər bir məlumatı bütün detalları ilə çatdıran Hasvet Baku International Animal Hospitalın veterinarlarına və əməkdaşlarına dərin minnətdarlığımızı bildiririk.
Qeyd edək ki, tədbirdən əldə olunan bütün gəlir sığınacaq heyvanlarına xərclənəcəkdir.
