Yaz Düşərgəsi

Yaz fəsli yeni başlanğıclar deməkdir. Təbiətin doğuşu, dirilişi, oyanışı, böyüməsidir. Qış bitir, yazın – torpağın, yeni cücərmiş otların ətri duyulur.

Yeni başlanğıclara qədəm qoyur təbiət. Yenidən başlamaq heç vaxt asan olmur. Bu başlanğıcı təbiətdə kəşf etməyə hazırsınız?

Uşaqlar bahar tətilini təbiətin möcüzələrini  kəşf etməklə keçirəcəklər. Günlər uzanmağa, havalar isinməyə, buzlar əriməyə, qış yuxusundakı heyvanlar qış yuxusundan oyanmağa, rəngarəng çiçəklər açmağa başlayanda övladlarınız təbiətin əzəmətini məhz elə təbiətin qoynunda hiss edəcəklər.

Bu Novruz Bayramında, biz sizin üçün Yaz Düşərgəsi hazırlamışıq!

Düşərgəmizin əsas məqsədi uşaqların tətillərini səmərəli və əyləncəli keçirmələrini təmin etməkdir. Bundan əlavə, “Forest School” təhsil yanaşmasına uyğun olaraq, biz uşaqların fiziki, intellektual, sosial, psixoloji, emosional inkişafına, onlarda xarakterin formalaşmasına kömək edəcəyik.

“Forest School” təhsil yanaşmasına görə, bütün uşaqlar yaş qruplarına uyğun olaraq fəaliyyətə cəlb olunurlar. Yaş qrupları 8-10 və 11-14 yaşa bölünür. Burada dil qrupları da nəzərə alınır. Hər qrupda bir pedaqoq-lider mövcuddur. Uşaqlar yaşlarına və dil qrupuna uyğun olaraq fəaliyyətlərdə iştirak edirlər.

Aşağıdakı kateqoriyaların üzvləri 10% endirimdən yararlana biləcəklər (endirim Kuponu haqqında məlumat üçün bizimlə əlaqə saxlayın):

• Həftə sonu qrup görüşlərimizdə iştirak edənlər;
• Əvvəlki FSA düşərgələrindən birində iştirak edənlər;
• Bir ailədən olan 2 və ya daha çox uşaq.

Düşərgəmizin əsas məqsədi uşaqlarınızın təbiətdə təcrübələrini artırmaqdır. Düşərgə mühiti bir çox uşaq üçün, ümumiyyətlə, yeni ola bilər. Yadda saxlyaq ki, təbiətdə olduğumuz üçün ətraf mühitin enerjisi hər kəsə müsbət təsir göstərir. Bunun nəticəsi olaraq da uşağınızla ünsiyyətinizdəki fərqləri müşahidə edəcək qədər fərqi hiss edəcəksiniz.

Düşərgəmiz uşağınıza şəhərin daş divarlarından çıxaraq təbiətlə harmoniyada olması üçün əla fürsətdir. Bizimlə övladınız yeni kəşflər, məcaralar və dostlar qazanmaq imkanını əldə edəcək. Hər bir valideyin üçün uşağını xoşbəxt və aktiv görmək arzusu öndədir. Bu fürsəti qaçırmayın!

Düşərgə proqramına daxildir:

Tərəfimizdən təşkil edilən və Sizin tərəfinizdən qəbul edilən xidmətlər (düşərgə, ekskursiya, təlimlər və bunun kimi digər fəaliyyətlərdə iştirakçı olmaq xidməti) üçün ödənilən məbləğin qaytarılması şərtləri aşağıdakılardır:

• Siz xidmətin icrasının başlanmasına 14 (on dörd) təqvim günü qalana qədər xidməti qəbul etməkdən imtina etdiyiniz halda, xidmət haqqının 100%-i geri qaytarılacaq.
• Siz xidmətin icrasının başlanmasına 7 (yeddi) təqvim günü qalana qədər xidməti qəbul etməkdən imtina etdiyiniz halda, xidmət haqqının 50%-i geri qaytarılacaq.
• Siz xidmətin icrasının başlanmasına 7 (yeddi) təqvim günündən az qaldığı təqdirdə xidməti qəbul etməkdən imtina etdiyiniz halda, ödənilmiş xidmət haqqı geri qaytarılmayacaq.
• Xidmətin icrası həyata keçirildiyi dövrdə belə icra bizdən asılı olmayan və Siz və ya Sizin himayənizdə olan uşaqlarla əlaqəli səbəblərdən (xəstəlik, uşağın xidməti almaqdan imtina etməsi, ailəvi planınız və s. bunun kimi digər səbəblər) yerinə yetirilə bilinmədiyi təqdirdə ödənilmiş xidmət haqqı geri qaytarılmayacaq.
• Bizdən asılı olan səbəblər ilə əlaqədar xidmətin icrasından bizim tərəfindən imtina edildiyi halda, ödənilmiş xidmət haqqı geri qaytarılacaq.